مدير أعمال هيفاء وهبي يستقيل ويؤكد " أهلي اتبهدلوا وكرامتي اتهانت"

04-August-2019

أعلن مدير أعمال هيفاء وهبي محمد الوزيري استقالته من إدارة أعمالها، عبر حسابة على تويتر جرّاء تعرضه لهجوم عنيف من جانب جمهورها بسبب انتقاده فرقة "مشروع ليلى" التي كانت وهبي دعمتها أخيراً.

وغرّد وزيري قائلاً: "هيفا حبيبتي انتي عارفة كويس إني دايما عايزلك أحسن حاجة وميهمنيش غير مصلحتك وطول الفترة اللي احنا فيها مع بعض كنت بساعدك بقلب وإخلاص".

وأضاف وزيري: "وعارفة كمان إني عمري ما كنت مدير أعمال حد، وبعمل كده معاكي عشان انتي أغلى حد عندي ومن غير أجر أو مقابل بس يكفيني أشوفك مبسوطة وعشان اللي شوفته منك ومعاكي وقلبك النضيف واللي بيننا يخليني أجيبلك الدنيا تحت رجليكي".

وأردف قائلا: "وعلى أد ما أنا بحبك أكيد بحب أشوفك ناجحة ومرضاش بسببي جمهورك يهاجمك وأنا مش هقدر أغيّر موقفي ولا أي رأي أنا مؤمن بيه وأنا كمان مش هقدر على اللي بيتقالي وتقييمي على حاجة مش شغلتي أساساً".

ونهى كلامة قائلاً: "وأهلي اللي اتبهدلوا وكرامتي وإهاناتي اللي بشوفها، أنا بقولك رسمياً أنا مبقاش ليا أي علاقة بشغلك بس بقولك وبقولها لكل الناس إنك هتفضلي مسؤولة مني وهخاف عليكي". وحرص على توضيح أنه يعمل بإدارة أعمال هيفاء وهبي دون أن يتقاضى مقابل مادي، من أجل حبه لها وحرصه على مصلحتها.

وألغى حسابه على "تويتر" بعد إعلان استقالته من إدارة أعمال وهبي.